Neste proxecto organizado por Emilio, o profesor de francés do centro, emulamos o ciclo da auga nun frasco pechado, creando un microecosistema coa parte viva (plantas, bacterias e algún artrópodo) e a parte non viva (terra, pedras, auga e ar)
A auga almacénase na capa de grava miúda, evaporándose cos cambios de temperatura e condensándose nas paredes do recipiente para descer de novo e humedecer a terra; atravesando logo a capa filtrante de carbón activado para volver a depositarse no fondo e reiniciar así o ciclo.
Por outra banda, as bacterias descompoñen os restos das plantas a medida que morren, devolvendo as sales minerais á terra. O ciclo mantense de forma indefinida pola entrada da enerxía solar a través do cristal.
Aquí o resultado final, tras ir recoller musgos; e ir colocando por capas todos os materiais: grava, carbón activado, malla, sustrato e plantas; sen olvidarnos de pulverizar auga antes de pechalos!
Comentarios
Publicar un comentario